Përmes një foto-materiali, që po qarkullon së fundmi në internet, pretendohet rrejshëm se në profilin e kryeministrit të Shqipërisë, Edi Rama, është shpërndarë një fotografi me imazh të një posteri me portretin e presidentit të Serbisë, Aleksandër Vuçiq, dhe të një qeni pranë tij që mbanë pozitën e zakonshme për urinim.
Në përshkrim të kësaj fotografie shkruan “PHOTO OF THE DAY”, shqip – “Fotografia e ditës”.
Fotografia e montuar:
Megjithatë, pas verifikimit të fakteve, hibrid.info ka vërtetuar se një postim i tillë nuk gjendet në profilin zyrtar të Ramës në Facebook dhe si i tillë rezulton të jetë imazh i edituar (manipuluar). (shih këtu)
Edhe përkundër hulumtimit të makinave online të kërkimit dhe mediave sociale, hibrid.info nuk ka arritur ta gjejë se kush ka qenë publikuesi i parë (autentik) i këtij imazhi të montuar. Megjithatë, ajo që lënë të kuptohet është se, ky imazh, ka filluar të shpërndahet shumë në 10 ditë-shin e fundit, gjatë kohës kur pati replika politike mes liderëve të shteteve lidhur me ngjarjet e fundit në veri të Kosovës.
Ky imazh, pas verifikimit të faktit nga hibrid.info, rezulton të jetë një shabllon për meme që është përdorur edhe në raste tjera.
Pas hulumtimit të kryer përmes makinave online të kërkimit, hibrid.info ka vërtetuar se ky imazh është përdorur në shumë raste për të krijuar foto-material të montuar me përmbajtje satirike.
Pra, autorë të ndryshëm kanë përdorur fotografi të personazheve në disa raste të caktuara. (shih disa shembuj këtu dhe këtu)
Ky lloj foto-materiali i montuar me përmbajtje satirike, në botën virtuale njihet si “Meme”. (shih këtu)
Analiza:
Pas verifikimit të fakteve, është vërtetuar se fotografia që tregon një postim të Edi Ramës, është e montuar.
Kryeministri shqiptar nuk ka shpërndarë fotografi në Facebook që paraqet një qen duke urinuar në portretin e presidentit serb, Aleksandër Vuçiq. Por, imazhi është i montuar dhe ka përmbajtje satirike, i cili në botën virtuale përdoret në raste të caktuara për personazhe të ndryshme.
Bazuar në metodologjinë e punës, hibrid.info e vlerëson këtë imazh si “Mashtrim”.
