Ndërkohë që aktivitetet informuese rreth keqinformimit po vazhdojnë, qytetet Peja dhe Gjakova i janë shtuar listës së qyteteve ku është shpërndarë informacioni në kuadër të sesioneve informuese.
Gjatë sesioneve dyorëshe, pjesëmarrësit diskutuan mbi format e ndryshme të çrregullimit informativ, me fokus në ngritjen e vetëdijes dhe thellimin e njohurive rreth këtij fenomeni në rritje.
Diskutimet u karakterizuan nga një qasje interaktive, ku pjesëmarrësit patën mundësi të shkëmbejnë përvoja dhe të analizojnë mënyrat e identifikimit të përmbajtjeve keqinformuese në hapësirën mediatike.
Këto aktivitete synojnë forcimin e kapaciteteve lokale për t’u përballur me dezinformimin dhe për të kontribuar në një mjedis informativ më të saktë dhe më të besueshëm.
