Hibrid.info, në bashkëpunim me Departamentin e Sociologjisë në Universitetin e Prishtinës “Hasan Prishtina”, organizoi një diskutim akademik për verifikimin e fakteve. Studentët u njohën me procesin e verifikimit të fakteve, format e çrregullimit informativ, dhe mënyrat për t’i identifikuar ato. Ky sesion u shndërrua në një përvojë të rëndësishme për të zhvilluar aftësitë e tyre në një kohë kur informacioni i saktë është jetik.
Në emër të Hibrid.info, dëshirojmë të shprehim falënderimin tonë për prof. asoc. Vjollca Krasniqi, e cila na mundësoi të organizojmë këtë sesion me studentët. Ky trajnim u organizua në kuadër të projektit “Promoting Objective Journalism and Countering Disinformation,” me mbështetjen e National EndoWment for Democracy.
