Në Podujevë është mbajtur info sesioni i radhës në kuadër të projektit “Countering Disinformation Narratives through Innovation and Experiential Learning”, duke zgjeruar kështu aktivitetet në një tjetër qytet të Kosovës.
Gjatë këtij sesioni, Hibrid.info, së bashku me pjesëmarrësit, shqyrtoi në detaje fenomenin e çrregullimit informativ, me qëllim rritjen e vetëdijes dhe thellimin e kuptimit rreth sfidave që paraqet keqinformimi në hapësirën publike.
Aktiviteti u karakterizua nga diskutime interaktive dhe shkëmbim përvojash, duke i ndihmuar pjesëmarrësit të zhvillojnë aftësi për të identifikuar dhe analizuar përmbajtje të dyshimta dhe keqinformuese.
Ky trajnim u realizua në kuadër të projektit të mbështetur nga U.S. Embassy Pristina, i cili synon forcimin e kapaciteteve lokale për t’u përballur me sfidat e dezinformimit në shoqërinë bashkëkohore.
