Studentët e projektit Hybrid Lab e kanë mbajtur sesionin e fundit informues me themeluesin e platformës Hibrid.info, Shkelzen Osmanin. Me një përvojë të pasur në fushën e verifikimit të informacionit, Osmani ka ndihmuar studentët t’i kuptojnë format e ndryshme të çrregullimit informativ dhe si t’i identifikojnë ato.
Pjesëmarrësit e trajnimit janë përgatitur intensivisht për të kuptuar rëndësinë e verifikimit të informacionit në mjedisin e sotëm digjital. Nëpërmjet udhëzimeve të Osmanit, ata kanë zhvilluar aftësi të reja për ta identifikuar dhe trajtuar keqinformimin në internet. Tani, të pajisur me njohuri të reja, studentët e Hybrid Lab janë gati për të sjellë ide origjinale dhe zgjidhje inovative në luftimin e dezinformimit.
Ai gjithashtu i inkurajoi pjesëmarrësit e trajnimit të vazhdojnë të punojnë në zgjidhje inovative dhe të kontribuojnë në përmirësimin e cilësisë së informacionit në internet.
Angazhimi i studentëve të projektit do të vazhdojë edhe më tutje. Tashmë atyre u ka mbetur propozimi i ideve për krijimin e aplikacioneve që do të ndihmojnë në luftimin e keqinformimit në internet.
5 ideve më të mira do t’u dhurohen nga 5000 dollarë nga Ambasada e SHBA-ve në Kosovë, ku përmes këtyre mjeteve ata do të kenë mundësinë t’i realizojnë dhe lansojnë aplikacionet apo veglat e tyre.
Gjatë këtij rrugëtimi, 5 grupeve fituese nuk do t’u mungojë as mentorimi nga ekspertët e Hybrid Lab, deri në hapin përfundimtar e që është realizimi i plotë i idesë.
