Ekspertët mjekësorë vazhdojnë të thonë se mënyra më e mirë për të marrë informacion në lidhje me vaksinën anti-Covid është të kërkohen këshilla të profesionistët e besuar të kujdesit shëndetësor.
Ekspertët e shëndetit thonë se keqinformimi për vaksinat ka luajtur rol të madh te njerëzit të hezitojnë për t’u mos u vaksinuar.
Është e rëndësishme të mendohet në mënyrë kritike se nga e mirren informacionet, veçanërisht kur bëhet fjalë për vaksinën , shkruan rocketcitynow.com.
“Ne nuk do të ndalojmë variantin Delta, nuk do të ndalojmë COVID -in derisa bota të vaksinohet”, tha drejtoresha e Qendrës për Kërkimin e Imunizimit dhe profesoresha e Shkollës së Shëndetit Publik Johns Hopkins Bloomberg, Anna Durbin.
Një arsye pse njerëzit mund të jenë në mëdyshje rreth vaksinimit, është fakti se ka shumë raste që edhe personat e vaksinuar kanë rezultuar pozitiv me Covid-19, por mjekët thonë se njerëzit e vaksinuar kanë tendencë të kenë simptoma shumë më të buta të virusit.
“Vaksinat kundër COVID vazhdojnë të tregohen shumë, shumë efektive në parandalimin e shtrimeve në spital, infeksioneve të rënda dhe vdekjeve në mesin e të vaksinuarve”, shtoi Durbin.
“Shumica e këtyre infeksioneve, kanë ashpërsi të butë. Kjo do të thotë që mund të keni ethe, të ndieni dhimbje, të ndiheni të lodhur, por nuk do të keni gulçim, të keni nevojë të shkoni në spital ose të përfundoni në një ventilator “, përfundoi ajo.
Ekspertët mjekësorë vazhdojnë të thonë se mënyra më e mirë për të marrë informacion në lidhje me vaksinën, dhe nëse rekomandohet për ju apo jo, është të kërkoni këshillën e një ofruesi të besuar të kujdesit shëndetësor.
