Heroi i tyre nuk është më presidenti, por disa ndjekës të teorisë konspirative QAnon, të cilët janë futur në elaborimin e disa rregullave dhe ligjeve jo relevante, në mënyrë që t’i mbajnë gjallë idetë e tyre.
Kanë kaluar gjashtë javë nga inaugurimi i Presidentit Joe Biden edhe 4 marsi dhe, siç duket, gjasat më të mira që Donald Trump për të rimarrë presidencën, do të krijohen vetëm në vitin 2024, kur të përfundojë mandati aktual, shkruan BBC.
Por disa nga ndjekësit e tij të zjarrtë që mbështesin teorinë e pabazë të konspiracionit QAnon besojnë se ai do të kthehet më shpejt – duke e përmendur 4 marsin që sapo kaloi.
Cila është baza e pretendimit të rremë?
Ideja buron nga besimi midis disa ndjekësve të QAnon se Shtetet e Bashkuara u kthyen nga një vend në një korporatë pas miratimit të Aktit Organik të Distriktit të Columbia të 1871.
Është një teori e çuditshme, e pabazuar e tërhequr nga lëvizja qytetarëve sovranë në SHBA, një grup i ekstremit të djathtë që kundërshton ligjet federale, taksimin e përgjithshëm dhe madje edhe monedhën amerikane me arsyetimin se ato kufizojnë të drejtat individuale.
Besimtarët në degën e QAnon pohojnë se çdo president, veprim dhe ndryshim i presidentit amerikan i kaluar pas vitit 1871 është i paligjshëm.
Por teoria bazohet në një interpretim të rremë të Aktit Organik, i cili thjesht e ktheu Distriktin e Columbia-s në një korporatë, e njohur më mirë si një organ qeverisës vendor, dhe nuk ka asnjë lidhje me presidentin ose me shtetin e SHBA-së në tërësi.
Po pse 4 Mars?
Para ndryshimit të 20-të të Kushtetutës së SHBA, miratuar në 1933, që zhvendosi datat e betimit të presidentit dhe Kongresit në janar, udhëheqësit amerikanë morën detyrën në 4 Mars.
Kjo është arsyeja pse ndjekësit e QAnon kanë arritur në këtë datë për të mbështetur teorinë e tyre të fundit.
Si reagojnë ndjekësit dhe “besimtarët” e QAnon-it?
Data 4 mars ka filluar të shpërndahet si teori në mesin e ndjekësve të QAnon-it, vetëm pak dit pasi Biden u betua si president, më 20 janar.
Kjo ngjarje plotësisht e parashikueshme shkaktoi trazira në botën e QAnon – ndaj një teorie plotësisht të pabazuar që thotë se Trump po zhvillon një luftë të fshehtë kundër figurave elitare që janë pedofilë dhe që adhurojnë Satanain.
Ndjekësit e QAnon kishin promovuar 20 janarin si një ditë llogaritje, kur demokratët e shquar dhe anëtarët e tjerë të dyshuar të “kabalit” do të arrestoheshin dhe ekzekutoheshin me urdhër të Trump-it.
Kur “stuhia” e premtuar nuk arriti të materializohej, pati shumë tronditje dhe dëshpërim midis shumë besimtarëve.
Ndjekës të tjerë të QAnon në platforma alternative të mediave sociale si Gab, i bënë jehonë ndjenjës.
Një influencues, me 55,000 ndjekës në këtë rrjet social, sugjeroi se kishte një të dhënë 150-vjeçare në vetë Aktin Organik të vitit 1871. Ky akt i Kongresit amerikan ka krijuar ka unifikuar territorin e SHBA-së dhe ka përcaktuar se si do të bëhet qeverisja e tij. Por i njëjti akt, shihet nga këta konspiracionistë si heqje dorë nga shteti dhe marrja e kompetencave nga korporatat, por pa ofruar fakte bindëse.
