Trajnimet e Hibrid.info janë zgjeruar tashmë edhe në rajonin e Ballkanit Perëndimor, duke përfshirë aktivitete me studentë dhe gazetarë nga vende të ndryshme.
Ekipi i Hibrid.info, i përbërë nga Festim Rizanaj dhe Endrit Berisha, mbajti një ligjëratë mbi kontrollin e fakteve në Budva, në kuadër të “Universitetit Veror për Kontroll të Fakteve”.
Në këtë aktivitet morën pjesë studentë dhe gazetarë nga vende të ndryshme të rajonit, të cilët u angazhuan në diskutime mbi praktikat e verifikimit të informacionit dhe sfidat e dezinformimit në hapësirën mediatike.
Kontributi i ekipit u vlerësua lart nga pjesëmarrësit, ndërsa ligjërata u përmbyll me reagime pozitive dhe interes të shtuar për temat e trajtuara.
Ky aktivitet u organizua nga organizata mediale franceze CFI – Agence Française de Développement Media, me qëllim forcimin e kapaciteteve rajonale në fushën e kontrollit të fakteve dhe gazetarisë së përgjegjshme.
