Disa faqe dhe llogari në Facebook që kanë postime me përmbajtje në gjuhën shqipe, kanë publikuar me datë 8 tetor, një fotografi ku shihen disa fëmijë mbi gërmadha ndërtesash.
Nëpërmjet kësaj fotografie pretendohet se paraqitet optimizmi i fëmijëve në Gaza gjatë konfliktit aktual Izrael-Hamas.
Pas analizimit të fotografisë vërehen detaje që nuk përkojnë me një imazh real dhe i njëjti tregon shenja të Inteligjencës Artificiale.
Fotografia e publikuar nga faqe dhe llogari në Facebook:
Pasi të analizohet fotografia nga afër vërehen deformime në krahët, duart dhe këmbët e fëmijëve, si dhe pamja vizuale është larg mprehtësisë reale.
Hibrid.info ka analizuar fotografinë me aplikacione që identifikojnë përmbajtjet e gjeneruara me inteligjencë artificiale. Pas analizës së kryer nga hibrid.info nëpërmjet aplikacionit Hive Motivation rezulton që imazhi është prodhuar 99.9 për qind me inteligjencë artificiale. (këtu)
Edhe pas kërkimit të kundërt të fotografisë në disa motor kërkimi, nuk është gjetur ndonjë rezultat që përputhej me imazhet e publikuara nga mediat që mbulojnë konfliktin.
Analiza:
Nëpërmjet një fotografie ku shihen disa fëmijë mbi gërmadhat e ndërtesave, pretendohet se paraqitet optimizmi i fëmijëve në Gaza gjatë konfliktit aktual Izrael-Hamas.
Pas analizimit të fotografisë nga afër vërehen deformime të caktuara që sugjerojnë që imazhi është krijuar me inteligjencë artificiale.
Bazuar në metodologjinë e punës, hibrid.info e vlerëson këtë imazh si “Përmbajtje e pa verifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.