Ndërkohë që aktivitetet informuese rreth keqinformimit po vazhdojnë, edhe Shtërpca i është shtuar listës së qyteteve ku është shpërndarë informacioni në kuadër të sesioneve informuese.
Gjatë një sesioni dyorësh, të mbajtur në hapësirat e NVO Primo la tolleranza, diskutimi u fokusua mbi format e ndryshme të çrregullimit informativ, me qëllim rritjen e vetëdijes dhe thellimin e njohurive rreth këtij fenomeni.
Pjesëmarrësit patën mundësi të shkëmbejnë përvoja dhe të diskutojnë mbi mënyrat e identifikimit dhe përballjes me dezinformimin në hapësirën mediatike.
Ky projekt, i financuar nga U.S. Embassy Pristina, synon të fuqizojë komunitetet lokale, duke i ndihmuar jo vetëm të njohin më mirë fenomenin e dezinformimit, por edhe të zhvillojnë aftësi dhe qëndrueshmëri për t’iu kundërvënë atij.
