Në RIT Kosovo është zhvilluar një info sesion për fact-checking, ku u diskutua gjerësisht për rolin e gazetarisë objektive dhe ndikimin e dezinformimit dhe formave të tjera të çrregullimit informativ.
Gjatë këtij aktiviteti, studentët patën mundësinë të analizojnë raste konkrete dhe të njihen me praktikat më të suksesshme për identifikimin dhe trajtimin e dezinformatave në hapësirën informative. Diskutimet u fokusuan në qasjet praktike dhe rëndësinë e verifikimit të fakteve në gazetarinë moderne.
Ky info sesion u mbajt në kuadër të projektit “Promoting Objective Journalism and Countering Disinformation”, i organizuar nga ADS dhe Hibrid.info, me mbështetjen e National Endowment for Democracy.
Organizatorët vlerësuan rëndësinë e përfshirjes së studentëve në aktivitete të tilla, si një hap i rëndësishëm drejt ndërtimit të një gazetarie profesionale dhe të besueshme në të ardhmen.
