Shkroi: Fatbardh Dema
Komisioni Qendror i Zgjedhjeve (KQZ) pretendohet se nuk e ka certifikuar koalicionin “Lista për Familjen” për pjesëmarrje në zgjedhjet e 9 shkurtit, 2025.
Ky pretendim u publikua dje (23 dhjetor) në formë postimi në Facebook nga një llogari që mban emrin “Lule Gjeli“.
E vërteta?
Pas hulumtimit të kryer online nga hibrid.info, u vërtetua se ky pretendim është i rremë.
Hibrid.info ka kërkuar në Google me fjalët kyçe “KQZ nuk e certifikon Listën për Familjen”, por që një pretendim i tillë nuk është gjetur i publikuar në asnjë medium kredibil.
Dje (23 dhjetor) mediumi online “GazetaExpress” raportoi se KQZ-ja ka certifikuar edhe 16 subjekte politike, e që në mesin e tyre figuron edhe “Koalicioni për Familje”.
Kontekst
Deputetët Eman Rrahmani dhe Visar Korenica janë larguar nga Lëvizja Vetëvendosje, për t’iu bashkuar koalicionit “Lista për Familjen”, të Aleancës Kosova e Re (AKR) dhe Partisë së Drejtësisë (PD).
Koalicioni “Lista për Familjen” me datë 11 dhjetor ka publikuar listën e kandidatëve për deputetë për të garuar në zgjedhjet parlamentare të 9 shkurtit. Prijës i kësaj liste është Eman Rrahmani.
Analiza:
U pretendua se KQZ nuk e ka certifikuar koalicionin “Lista për Familjen” për pjesëmarrje në zgjedhjet e 9 shkurtit, 2025.
Pas verifikimit të fakteve u vërtetua se ky pretendim është i rremë.
Bazuar në metodologjinë e punës, hibrid.info e vlerëson këtë përmbajtje si “Lajm i rremë”.
Arsyetimi:
Vlerësimin “Lajm i rremë” e marrin ato përmbajtje informative që janë tërësish të sajuara apo të cilat në vete përmbajnë pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.