Disa media në gjuhën serbe (Novosti, Alo, B92) kanë publikuar sot (2 shkurt) një artikull me pretendimin se “Perëndimi, i udhëhequr nga SHBA, ka përgatitur një listë me gjashtë pika si ndëshkim ndaj kryeministrit Kurti për mos themelimin e Asociacionit të Komunave me shumicë Serbe”.
Siç pretendohet, nga disa mediume në gjuhën serbe, gjashtë pikat kanë të bëjnë me prefiksin telefonik, kontrollin e vendkalimeve kufitare, mohim i plotë i mbështetjes financiare nga perëndimi, ngrirja e procedurës për liberalizimin e vizave dhe mbajtja peng anëtarësimi në BE.
Për këtë pretendim mediumet në gjuhën serbe nuk ofrojnë burime apo referenca kredibile për të mbështetur.
Vegëza të artikujve të publikuar në mediumet në gjuhën serbe:
https://www.alo.rs/vesti/kim/721261/aljbin-kurti-kvinta-zso/vest
https://www.b92.net/info/vesti/index.php?yyyy=2023&mm=02&dd=02&nav_category=640&nav_id=2283215
Pjesë të artikullit të publikuar në mediumet në gjuhën serbe:
PERËNDIMI, i udhëhequr nga SHBA, ka përgatitur një listë me gjashtë “shkopinj” që mund t’i nxjerrë nëse kryeministri i Institucioneve të Përkohshme në Prishtinë, Albin Kurti, vazhdon të pengojë formimin e Asociacionit të Komunave Serbe.
Masat ndëshkuese me të cilat autoritetet e Kosovës mund të përballen së shpejti janë si më poshtë:
- heqja e prefiksit +383 për Kosovën
- shpërbërja e plotë e komunave në veri nga sistemi i institucioneve të Prishtinës
- Në vend të Prishtinës, dy vendkalime administrative me Serbinë qendrore do të kontrolloheshin nga UNMIK-u
- mohim i plotë i mbështetjes financiare nga perëndimi, nga i cili në masë të madhe varet buxheti i Kosovës
- ngrirja e procedurës së nisur për lejimin e vizave për vendet e BE-së për banorët e Kosovës dhe Metohisë
- mbajtja në sirtar e aplikimit të Prishtinës për anëtarësim në BE deri në njoftimin e dytë.
Siç mund të shihet nga përmbajtja e artikullit, autori nuk ka paraqitur asnjë fakt (dokument) që dëshmon për ekzistimin e ndonjë plani ndëshkimi, nga 6 pikat e lartcekura, si formë e ndëshkimit të Prishtinës zyrtare, për mos themelimin e Asociacionit të Komunave me shumicë Serbe.
Por në përmbajtje të publikuar nga këto mediume nuk paraqitet ndonjë fakt apo e dhënë që mbështet pretendimin e bërë në titull dhe përmbajtje.
Çka dihet në diskutimet e fundit, bazuar në deklaratat publike të përfaqësuesve të SHBA-së lidhur me çështjen e themelimit të Asociacionit të Komunave me shumicë Serbe, nuk ekziston asnjë dokument me pika ndëshkuese, për të cilat pretendojnë mediumet në gjuhën serbe.
Këshilltar i Departamentit amerikan të Shtetit, Derek Chollet dhe i dërguari i posaçëm i SHBA-së për Ballkanin Perëndimor, Gabriel Escobar në një shkrim autorial të cilën e kanë publikuar në Koha.net, kanë kërkuar që të themelohet Asociacioni i Komunave me shumicë Serbe. (këtu)
Edhe Ambasadori i SHBA-së në Kosovë, Jeffrey Hovenier ka thënë se themelimi i Asociacionit është çështje urgjente dhe e rëndësishme dhe se SHBA-ja është e gatshme të ndihmojë Kosovën edhe me ekspertizë dhe përkrahje politike. (këtu)
Siç bëhet e ditur nga deklaratat e përfaqësuesve amerikan lidhur me themelimin e Asociacionit të Komunave me shumicë Serbe, kërkohet të niset themelimi i saj, por nuk bëhet fjalë për masa ndëshkuese për mos themelimin e tij, masa në të cilat pretendojnë disa mediume në gjuhën serbe.
Analiza:
Disa media në gjuhën serbe kanë hedhur pretendimin se Perëndimi, i udhëhequr nga SHBA, ka përgatitur një listë me gjashtë pika ndëshkuese ndaj kryeministrit Kurti për mos themelimin e Asociacionit të Komunave me shumicë Serbe.
Siç pretendohet, nga disa mediume në gjuhën serbe, gjashtë pikat kanë të bëjnë me prefiksin telefonik, kontrollin e vendkalimeve kufitare, mohim i plotë i mbështetjes financiare nga perëndimi, ngrirja e procedurës për liberalizimin e vizave dhe mbajtja peng anëtarësimi në BE.
Për pretendimin e mësipërm mediumet në gjuhën serbe nuk ofrojnë burime në të cilat do ta mbështetësinë pretendimin e bërë.
Po ashtu, në deklaratat e përfaqësuesve amerikan lidhur me themelimin e Asociacionit të Komunave me shumicë Serbe, nuk bëhet fjalë për masa ndëshkuese për mos themelimin e këtij asociacioni.
Në bazë të metodologjisë, hibrid.info këtë pretendim të disa mediave në gjuhën serbe e vlerëson si “përmbajtje e pa verifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
