Në një sesion informues në Podujevë, në ambientet e organizatës OAKTIV, u diskutuan dhe analizuan format e ndryshme të keqinformimit, duke u fokusuar në shembuj të rasteve konkrete në Kosovë. Diskutimi u përqendrua në lajmet e rreme, dezinformata, manipulimin e fakteve, teoritë konspirative, clickbait, dhe forma të tjera të manipulimit të informacionit. Pjesëmarrësit u nxitën të diskutonin mbi këto tema duke përdorur shembuj të rasteve të vërteta, duke përmirësuar kështu vetëdijen dhe kuptimin e tyre rreth kësaj çështjeje të rëndësishme për shoqërinë.
Ky trajnim u organizua në kuadër të projektit “Countering Disinformation Narratives through Innovation and Experiential Learning”, i cili ka mbështetjen e Ambasadës së Shteteve të Bashkuara në Prishtinë.
