Në ambientet e Bonevet në Mitrovicë, trajnimi për luftën kundër dezinformimit ofroi njohuri thelbësore për pjesëmarrësit në lidhje me llojet e çrregullimit informativ. Duke diskutuar për dezinformata, lajme të rreme, manipulim të fakteve, mashtrimin, gabimet dhe teoritë konspirative, pjesëmarrësit u pajtuan në një përmirësim të thellë të aftësive për të identifikuar dhe përballuar fenomenin e informacionit të rremë. Po ashtu, u diskutuan format e kontrollit dhe verifikimit të fotografive dhe videove, si dhe të fotografive të gjeneruara me inteligjencë artificiale duke praktikuar nëpërmjet veglave digjitale që përdoren për ta bërë këtë.
Financuar nga Ambasada e Shteteve të Bashkuara të Amerikës, ky projekt synon të ndikojë në ndërgjegjësimin dhe forcimin e komunitetit lokal për të luftuar dezinformimin dhe manipulimin e informacionit në mjedisin e tyre të afërt.
