Keqinformimi në lidhje me pandeminë Covid dhe ndryshimet klimatike, po ngadalëson një reagim efektiv kolektiv ndaj këtyre emergjencave.
Ekspertët e BBC Monitoring, Shayan Sardarizadeh dhe Kayleen Devlin shpjegojnë tendencat e dezinformimit që kanë parë në vitin 2021 dhe efektet që kanë pasur në jetët e qytetarëve në mbarë botën.
Keqinformimi në vitin 2021, sipas BBC, është fokusuar në 2 çështje kryesore, vaksinat dhe ndryshimet klimatike.
Ndër pretendimet e para të pavërteta rreth vaksinave ishin implantimi i mikro-çipave dhe ngjitja e magnetit në vendin e injektimit.
Teori të tilla të pa bazuara, ka bërë që në shumë vende të botës, njerëzit t’i rezistojnë vaksinimit dhe, si rrjedhojë, të vuajnë pasojat e infektimit. Kjo ka rritur në masë të madhe edhe numrin e vdekjeve tek te infektuarit me COVID-19.
Këto pretendime kanë nxitur edhe protesta në shumë vende të botës, kundër pasaportave të vaksinave dhe kundër kufizimeve të lëvizjes.
Tema tjetër shumë e përdorur për krijimin e teorive të pa baza gjatë vitit 2021, sipas këtij studimi të BBC-së, është ndryshimi klimatik.
Ekspertja e BBC-së, Kayleen Devlin thotë se, pretendimet e rreme me këtë temë janë bërë kryesisht si sulme ndaj aktivistëve që kanë avokuar në ndërmarrjen e masave kundër ngrohjes globale. Këto pretendime i kanë quajtur si jo funksionale pajisjet që shërbejnë për energji të ripërtijshme.
Video e plotë e kësaj analize të BBC-së mund të hapet këtu.
