Në një sesion intensiv dy-orësh, pjesëmarrësit diskutuan dhe analizuan formet e ndryshme të keqinformimit, duke u fokusuar në shembuj konkrete të manipulimit të informacionit. Diskutimi u zhvillua në ambientet e OJQ-së Aktiv në Mitrovicën Veriore, ku pjesëmarrësit diskutuan rreth dezinformimit, lajmeve të rreme, manipulimit të fakteve, mashtrimeve, gabimeve, dhe teorive konspirative. Përmbledhja e shembujve konkret dhe diskutimi i tyre ofroi një kuptim të thellë për rreziqet që sjell keqinformimi dhe metodat për t’i përballuar ato me sukses.
Kjo nismë, e financuar nga Ambasada e Shteteve të Bashkuara në Prishtinë, synon të forcojë komunitetet lokale në Mitrovicën Veriore, duke i pajisur ata jo vetëm me njohuri të thella rreth fenomenit të dezinformimit, por edhe me aftësi dhe vendosmëri për të kundërshtuar atë.
