Portali “Arbresh.info” ka publikuar artikullin me titull “Të mirat që sjell lëngu i qershisë”.
Në këtë artikull paraqiten disa veti të lëngut të qershisë cilat pretendohet se parandalojnë diabetin, ndihmojnë në trajtimin e çrregullimeve të kujtesës, si dhe problemeve të kyçeve dhe kockave.
“Arbresh.info” e quan këtë shkrim si studim, por nuk paraqet evidenca që tregojnë se nga kush është kryer ky lloj studimi. Pra, në këtë artikull mungon burimi i informacioni dhe referencat e studimit të parafrazuar.
Teksti i artikullit të publikuar nga Arbresh.info:
Të mirat që sjell lëngu i qershisë
Për shkak të vetive të saj, qershia është një jashtëzakonisht fisnik.
Në këtë periudhë të vitit, mund të konsumohet i ngrirë ose i përgatitur ndryshe, mundësisht në formën e lëngut, transmeton portal arbresh.info
Ai përmban sasi të papërfillshme të sheqerit, kështu që është i përshtatshëm për parandalimin e diabetit, tregon kërkimi shkencor.
Gjithashtu është treguar e dobishme në trajtimin e çrregullimeve të kujtesës dhe mjafton një gotë lëng për të hequr qafe problemet e kyçeve dhe kockave. Shkencëtarët kanë llogaritur që një gotë lëng qershie është zëvendësues me qetësues të dhimbjeve. Efekti i tij i dobishëm në nyje dhe kocka shpjegohet me faktin se përbërja e tij zvogëlon sasinë e acidit urik, fajtori kryesor për problemet në sistemin e kockave dhe nyjeve./arbresh.info/
Vegëza e artikullit të publikuar nga Arbresh.info:
Analiza:
Artikullit të publikuar nga Arbresh.info i mungon burimi i informacionit, që tregon saktë se nga është marrë ky studim. Gjithashtu, shkencëtarëve të përmendur në tekst nuk u përmendet emri. Hibrid.info këtë shkrim e kategorizon si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.