Më shumë se 40 organizata që ushtrojnë aktivitetin e kontrollit të fakteve (fact-checking) nga e gjithë Evropa (në mesin e tyre edhe hibrid.info) kanë rënë dakord për një Kod profesional që përcakton standardet e metodologjisë, etikës dhe transparencës që kërkohen për të luftuar dezinformimin në mënyrë efektive dhe me integritet.
“Kodi Evropian i Standardeve për Organizatat e Pavarura të Kontrollit të Fakteve”, i cili u publikua sot, është zhvilluar përmes një projekti që përfshin organizata verifikuese të fakteve nga më shumë se 30 vende në të gjithë Evropën. Është rezultat i muajve të hulumtimit, sondazheve, debateve dhe diskutimeve mes tyre.
Kontrolluesit evropianë të fakteve, akademikë dhe ekspertë të tjerë në këtë fushë. Versioni përfundimtar i Kodit u miratua nga 44 prej 45 organizata që votuan.
Standardet e Kodit, të cilat mbulojnë çështje që variojnë nga burimet e cilësisë deri tek paanshmëria dhe transparenca financiare, duhet të respektohen që organizatat që kontrollojnë faktet të bëhen anëtarë të verifikuar të Rrjetit Evropian të Standardeve të Kontrollit të Fakteve (EFCSN), rrjetë ky që do të organizojë, mbështesë dhe përfaqësojë këtë komunitet. Anëtarësimi në rrjet do të nënkuptojë për publikun se cilat organizata evropiane të kontrollit të fakteve janë duke operuar në mënyrë të pavarur, etike dhe me përkushtim për t’i shërbyer interesit publik.
Me tekstin e Kodit të miratuar tani, komuniteti evropian i kontrollit të fakteve do të takohet në Madrid në fund të shtatorit për të diskutuar dhe përcaktuar misionin dhe strukturën e rrjetit dhe organin qeverisës që do të mbikëqyrë zbatimin e Kodit.
Përveç kësaj, në muajt e ardhshëm, EFCSN do të mbështesë komunitetin e hetimit me burim të hapur të Evropës në zhvillimin e një grupi të veçantë udhëzimesh të përshtatura për punën dhe misionin e tyre.
Ky projekt është mbështetur nga Komisioni Evropian dhe udhëhiqet nga gjashtë organizata evropiane të fokusuara në luftimin e dezinformatave: Fundación Maldita.es (Spanjë), AFP (Francë), CORRECTIV (Gjermani), DEMAGOG (Poloni) , Pagella Politica/ Facta (Itali) dhe EU DisinfoLab (Belgjikë).
