Të mërkurën, rrjeti social Facebook mori një video të postuar në faqen zyrtare të Presidentit të SHBA-ve, Donald Trump, në të cilën pretendohej se fëmijët janë “pothuajse imunë” ndaj virusit Korona.
Video, e cila shkelte politikat e Facebook-ut, posaçërisht ato mbi dezinformimin shëndetësor rreth virusit Korona, ishte parë gati nga gjysmë milion profile, para se ajo të hiqej përfundimisht nga ky rrjet social. Twitter, po ashtu, bllokoi një cicërimë me të njëjtën video që ishte postuar nga llogaria e fushatës së Trump.
Përpara shpërthimit të virusit Korona, lajmet e rreme u përhapën shpejt në platformat e mediave sociale. Në një tekst të publikuar në Los Angeles Times nga autorët Nadia Brashier dhe Daniel Schacter, thuhet se njerëzit e moshuar janë ata që përhapin më shumë lajme të rreme, që është bërë një zakon vdekjeprurës në kohën e pandemisë COVID-19.
Pasojat e keqinformimit janë edhe më vdekjeprurëse në një kohë pandemie. Disa informacione të rreme vijnë nga burime të ligjshme, duke e bërë më të vështirë ndarjen e fakteve nga trillimet dhe është veçanërisht e rrezikshme për përdoruesit e vjetër të mediave sociale, të cilët gjithashtu janë në rrezik më të madh për të vdekur nga virusi.
Studiuesit kanë zbuluar se gënjeshtrat janë 70% më të prira për t’u shpërndarë sesa e vërteta. Studimet e fundit tregojnë gjithashtu se mosha është përcaktuesi më sigurte në nivelin e angazhimit në lajmet e rreme. Gjatë fushatës presidenciale në SHBA të vitit 2016, përdoruesit e Facebook të moshës mbi 65 vjeçare, ndanë gati shtatë herë më shumë artikuj nga faqet e lajmeve të rreme sesa përdoruesit e rinj.
Shkencëtarët dhe gazetarët thonë se mungesa e njohurive të përgjithshme mund të jetë shkak që të moshuarit shpërndajnë lajme të rreme, por kjo nuk e shpjegon plotësisht këtë dukuri.
Hulumtimet e bëra kohëve të fundit, tregojnë se ndryshimet shoqërore dhe analfabetizmi dixhital gjithashtu vënë në rrezik të moshuarit për përhapjen e dezinformatave.
Sikur mosha e re, ashtu edhe të moshuarit besojnë në përmbajtje të teskteve që përsëriten pretendimet, pasi që ato janë të artikuluara “rrjedhshëm” ose të lehtë për t’u kuptuar. Kalimi nëpër një tituj të rremë krijon një “iluzion të së vërtetës” që mund të mashtrojë të gjitha moshat.
Të moshuarit gjatë tërë jetës së tyre grumbullojnë njohuri për botën, dhe kjo dukuri mund t’i mbrojë ata nga dezinformatat. Ata gjatë jetës humbin njohjet me njerëz, por i mbajnë shokët e tyre të ngushtë dhe krijojnë mendime se miqtë e ngushtë nuk përhapin lajme të rreme.
Në të vërtetë, besimi i përgjithshëm rritet me moshën, ndërsa aftësia për të zbuluar gënjeshtrat bie. Kjo bën që mosha e vjetër të bie më lehtë pre e lajmeve të rreme, në këtë rast dezinformatat për virusin Korona.
