Disa portale informative në gjuhën shqipe kanë publikuar dje (1 tetor, e diel) në faqet e tyre zyrtare në Facebook një fotografi në të cilën shihen pjesëtar të Forcës së Sigurisë së Kosovës (FSK).
Kësaj fotografie, këto portale i kanë vënë mbishkrimin “E diela e djemve tanë”, duke nënkuptuar imazhi paraqet ushtarët e FSK-së gjatë ditës së djeshme (e diel).
Pas verifikimit të fakteve të kryer nga hibrid.info, është vërtetuar se kjo fotografi është e vjetër dhe se e njëjta është gjetur e publikuar në tetor të vitit 2019.
Vegëza e postimit të publikuar në Facebook nga faqet e portaleve “Indeksonline.net” dhe “Gazetainfokus.com”:
https://archive.is/WLmgF#selection-441.0-442.1
Pas hulumtimit të kryer përmes programit të automatizuar “InVID”, hibrid.info ka gjetur artikuj të publikuar në muajin nëntor të vitit 2019, të cilat përmbajnë fotografinë e lartcekur. (shih këtu dhe këtu)
Analiza:
Disa portale në faqet e tyre në Facebook kanë publikuar një fotografi të vjetër (2019) ku shihen pjesëtarë të FSK-së, të cilën e kanë paraqitur si imazh të ditës së diel (1 tetor).
Bazuar në metodologjinë e punës, hibrid.info e vlerëson këtë postim si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
