Disa faqe në Facebook kanë shpërndarë një video të një ushtari të Ushtrisë Çlirimtare të Kosovës (UÇK), me pretendimin se ai është djali i të moshuarës që u sulmua fizikisht nga një infermiere në shtëpinë e të moshuarve në Pejë “Orenda”, i cili ra dëshmor në luftën e fundit në Kosovë.
Këto faqe kanë pretenduar se personi në këtë video është Taulant Nura, djali i gruas së lartcekur.
Mirëpo, pas verifikimit të fakteve të kryer nga hibrid.info dhe pas hulumtimit përmes makinave online të kërkimit, del që personi në këtë video material nuk është Taulant Nura, por Fitush Kukaj.
Vegëza e video materialit të publikuar në faqet në Facebook “Dukagjini News”, “Rruga Drejt Islamit”, “I Love Mitrovica” dhe “Autokton”:
https://www.facebook.com/watch/?v=810707053491278
https://www.facebook.com/rrugadrejtislamit2022/videos/531762362133062
https://www.facebook.com/iLoveMitrovica/videos/535783861700229
https://www.facebook.com/100075964151078/videos/1265884330915702
Në një artikull të publikuar në portalin “GazetaBlic.com” thuhet se djali i kësaj gruaje që u sulmua nga një infermiere, është i zhdukur në luftën e fundit në Kosovë dhe se eshtrat e tij ende nuk janë gjetur. (shih këtu)
Hibrid.info pas hulumtimit të kryer ka gjetur një video material të publikuar në “Youtube” nga kanali “Natyra Films”, në të cilën gjenden pamjet nga promovimi i librit të thirrjeve të nënave për të zhdukurit “E vërteta për krimet serbe”, e që në të është edhe fotografia e Taulant Nurës. (shih këtu në minutën 7:35)
Se djaloshi i paraqitur në videon e publikuar nga faqet e lartcekura nuk është Taulant Nura, por Fitush Kukaj, e dëshmon edhe një video material të publikuar nga Radio Televizioni i Kosovës (RTK). (shih këtu)
Analiza:
Disa faqe në Facebook kanë publikuar një video material të dëshmorit të UÇK-së në luftën e fundit në Kosovë, Fitush Kukaj, të cilin e kanë paraqitur rrejshëm si Taulant Nura, djali i ndjerë i gruas që u sulmua fizikisht nga një infermiere në shtëpinë e të moshuarve në Pejë “Orenda”.
Bazuar në metodologjinë e punës, hibrid.info e vlerëson këtë artikull si “Përmbajtje e paverifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
