Një llogari në Facebook me emrin “Jesus Revient” që në fotografinë e profilit ka një grua të moshuar, me datë 3 mars ka publikuar një status në gjuhën shqipe, përmes së cilit është krijuar histori e sajuar duke pretenduar se bartësja (e rreme) e kësaj llogarie vuan nga një sëmundje dhe se “ka shprehur dëshirë që ta ndajë pasurinë e saj në vlerë prej 558 mijë euro”.
Në këtë status bëhet thirrje që të interesuarit të dërgojnë e-mail në një adresë elektronike (annamunchen25@gmail.com).
Pas verifikimit përmes programit të automatizuar “InVID”, hibrid.info ka hulumtuar rreth fotografisë së gruas së moshuar që gjendet në këtë profil.
Pas verifikimit shfaqet vetëm një rezultat sa i përket fotografisë së kësaj gruaje, e cila vjen nga makina e kërkimit “Yandex”, që shfaq një vegëz nga media sociale ruse Ok.ru me emrin “Eugenia Antonovscaia(Buzovscaia)”, e cila nuk hapet (kërkon regjistrim). (shih këtu)
Vegëza e postimit të publikuar në Facebook nga llogaria “Jesus Revient”:
https://www.facebook.com/groups/235539297312577/user/100087495923357/
Këtë status, kjo llogari e ka shpërndarë në median sociale Facebook në grupin “Shqiptaret ne USA – Amerike”, që numëron afër 3 mijë anëtarë. (shih këtu)
Pas kërkimit përmes programit të automatizuar “InVID” na paraqitet rezultati i vetëm në lidhje me fotografinë e gruas së moshuar, emri i së cilës thuhet të jetë “Eugenia Antonovscaia (Buzovscaia)”, bazuar në rezultatin e dhënë nga makina e kërkimit “Yandex”. (shih këtu)
Hibrid.info në mënyrë manuale ka bërë hulumtime rreth emrit të kësaj gruaje të moshuar, e që e njëjta është gjetur me të njëjtin emër (Eugenia Antonovscaia) në një media sociale tjetër në Rusi e quajtur “my.mail.ru”. (shih këtu)
Pra, llogaria në Facebook me emrin “Jesus Revient” është e rreme, e cila me anë të një fotografie të huazuar ka krijuar një histori të sajuar me pretendimin se bartësja e kësaj llogarie vuan nga një sëmundje dhe se “ka shprehur dëshirë që ta ndajë pasurinë e saj në vlerë prej 558 mijë euro”.
Analiza:
Nga procesi i kontrollit të fakteve dhe trajtimi i tyre u kuptua se pretendimi i bërë në këtë postim është tërësisht i sajuar. Pra ky statusi i bërë nga llogaria në Faceboko me emrin “Jesus Revient” në Facebook është një histori e trilluar e bazuar në fotografi false.
Fotografia e të moshuarës u gjet në rezultatet e dhëna nga makina e kërkimit “Yandex”, që e shfaq atë me emrin “Eugenia Antonovscaia(Buzovscaia)”, në mediat sociale ruse si “Ok.ru” dhe “my.mail.ru”.
Bazuar në metodologjinë e punës, hibrid.info e vlerëson këtë postim/njoftim si “Mashtrim”.