Portali i dyshimtë “postlajme.net” ka publikuar një artikull duke e paraqitur si “lajm i papritur” me pretendim se kryeministri i Kosovës Albin Kurti, u dorëzua duke pranuar Serbinë si hisedare në Kosovë.
Pas kontrollit të fakteve nga hibrid.info, është vërejtur se titulli i këtij artikulli është ndryshuar dhe, si rezultat, nuk përputhet me përmbajtjen.
Në titull lë të kuptohet se Kurti është dorëzuar para Serbisë, ndërsa në përmbajtje vërehet se ky nuk është një lajm, por vetëm një opinion i Partisë Social Demokrate (PSD), Dardan Molliqaj.
Vegëza e artikullit të publikuar në portalin e dyshimtë “postlajme.net”:
Artikulli i publikuar nga “postlajme.net” është shpërndarë edhe në Facebook, nga faqja “33shi.com”, e cila numëron mbi 40 mijë ndjekës.
https://www.facebook.com/33shi/posts/723146101953111
Molliqaj në profilin e tij zyrtar në Facebook ka reaguar pas deklaratës së zëvendëskryeministrit të Kosovës, Besnik Bislimi se arritja e marrëveshjes është afër dhe se ka mbetur pezull vetëm marrëveshja për çështjen e targave të veturave KM.
Kryetari i PSD-së shkroi se kryeministri i Kosovës, Albin Kurti, është dorëzuar pasi, sipas tij, ai po e pranon Serbinë si ‘hisedare’ në Kosovë, duke qenë se, siç shprehët Molliqaj, po negociohet për çështjet e brendshme të Kosovës.
Vegëza e postimit të Molliqajt në Facebook:
https://www.facebook.com/dardanmolliqaj2/posts/403245774583598
Analiza:
Portali i dyshimtë “postlajme.net” e ka publikuar këtë opinion të Molliqajt, por në titull nuk bëhet e qartë se nga kush është thënë, dhe lë vend për keqkuptim duke e paraqitur dorëzimin e Kurtit karshi Serbisë si një lajm që ka ndodhur tashmë.
Nga analiza e kontrollit të fakteve e kryer nga hibrid.info, artikulli i publikuar nga “postlajme.net” merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.