Në mediat sociale Facebook dhe X (ish-Twitter) janë publikuar disa postime me pretendimin se Vatikani udhëhiqet nga UFO-të (jashtëtokësorët).
Ky pretendim bëhet diku iu referuar një stemës së një kardinali katolik romak, e cila thuhet se është pjatë fluturuese (UFO).
Megjithatë, pas verifikimit të fakteve të kryer nga Reuters (shih këtu), është vërtetuar se ky simbol nuk paraqet siç pretendohet, UFO, por ajo është kapelë e kuqe me xhufka të gjata në të dyja anët.
Vegëzat e postimit të publikuara në Facebook dhe X (ish-Twitter):
Reuters ka arritur të vërtetojë se kapela e kuqe paraqet stemat e kardinalëve në shekullin e 16-të. (shih këtu dhe këtu)
Kardinalët nuk i kanë mbajtur ato në kokë që nga viti 1969, kur si pjesë e Këshillit të Dytë të Vatikanit, i cili synonte të modernizonte Kishën Katolike, Papa Pali VI, hoqi përdorimin e tyre (shih këtu “Pjesën e Parë” shkronja A, numri 9). (shih këtu)
Në vend të kësaj, një kapelë e kuqe më e vogël e quajtur biretta u jepet tani kardinalëve të sapo instaluar, shpjegon në faqen e tij të internetit At Richard Kunst, një prift që mbledh objekte papale. (këtu)
Analiza:
Kontrolluesit e fakteve në Reuters kanë sqaruar se llogaritë e lartcekura në mediat sociale kanë shpërndarë një foto të stemës së një kardinali, e jo një simbol të UFO-ve në Vatikan, siç pretendohet.
Këto postime janë vlerësuar si “Mashtrim”.