Hibrid.info po vazhdon mbështetjen për gazetarët përmes një serie të re sesionesh informuese, me synim forcimin e aftësive në verifikimin e fakteve dhe informacionit që përdoret gjatë raportimit të përditshëm.
Këto infosesione po organizohen në bashkëpunim me media vendore, duke u fokusuar në qasje proaktive për avancimin e standardeve të gazetarisë dhe rritjen e cilësisë së informacionit në hapësirën mediatike.
Aktivitetet udhëhiqen nga një ekip ekspertësh në fushën e verifikimit të fakteve dhe gazetarisë hulumtuese, të cilët ndajnë përvojat e tyre profesionale për t’i ndihmuar gazetarët të shmangin burimet e pasigurta dhe të rrisin saktësinë në raportime.
Në këtë sesion morën pjesë gazetarë nga: RTV Dukagjini, Dukagjini.com, T7, ATV, Klan Kosova, Albanian Post, Top Channel, Gazeta Express, TV Arbëria dhe RTV 21.
