Portali “Kosova-sot.info” ka publikuar një artikull rreth një aksidenti të ndodhur dje (26 prill), ku kishin mbetur të lënduar 3 persona.
Titulli “Aksident në rrugën Besi – Malishevë, lëndohen tre persona” është i vendosur gabim, pasi aksidenti ka ndodhur në rrugën Besi – Milloshevë, e jo Malishevë, siç pretendohet në titull.
Pas verifikimit nga hibrid.info, del që ky gabim është edhe në përmbajtje, ndërsa në konfirmimin nga zëdhënësja e Policisë së Kosovës për rajonin e Prishtinës, Flora Ahmeti, saktësohet se aksidenti ka ndodhur në rrugën Besi – Milloshevë, fshatra këto në rrethinë të Prishtinës.
Teksi i artikullit të publikuar në portalin “kosova-sot.info”:
Tre persona kanë mbetur të lënduar si pasojë e një aksidenti që ka ndodhur sot në rrugën Besi-Malishevë. Lajmin e ka konfirmuar, zëdhënësja e Policisë së Kosovës për rajonin e Prishtinës, Flora Ahmeti. “Sot rreth orës 14:30 në rrugën Besi -Millshevë ka ndodhur një aksident komunikacioni me lëndime trupore ku jane perfshirë dy automjete. Si pasojë e aksidentit tre persona kanë pësuar lëndime trupore. Të lëduarit janë dërguar për trajtim mjekësor”, tha Ahmeti.
Vegëza e artikullit të publikuar në portalin “kosova-sot.info”:
https://www.kosova-sot.info/lajme/540611/aksident-ne-rrugen-besi-malisheve-lendohen-tre-persona/
Analiza:
Ky artikull i publikuar nga portali “kosova-sot.info”, përmban titull dhe përmbajtje të gabuar, që nuk përputhen me deklaratën e zëdhënëses së Policisë për rajonin e Prishtinës, Flora Ahmetit.
Pas verifikimit nga hibrid.info, del se titulli i artikullit është i shkruar gabim, por pa qëllimin e qartë të dezinformimit të publikut. Ky artikull vlerësohet si “Gabim”.
Arsyetimi:
Gabim – Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.