Disa media në gjuhën serbe kanë publikuar një artikull sot (18 mars) me deklaratat e Ministritë të Jashtëm të Serbisë, Ivica Daçiq, i cili pretendon se qëllimi kryesor i Albin Kurtit është “dëbimi i serbëve nga Kosova”.
Daçiq këtë deklaratë e bëri në seancën e sotme (18 mars) të Byrosë për Koordinimin e Punës së Shërbimeve të Sigurisë, të cilën e drejtoi sekretari i Këshillit të Sigurisë Kombëtare të Serbisë.
Për pretendimin e bërë Daçiq nuk ofron ndonjë fakt që do ta mbështeste.
Vegëza e artikullit të publikuar në disa media në gjuhën serbe:
Pjesë nga deklarata e Ivica Daçiq:
Ai shtoi se është biseduar për situatën aktuale në Serbi, me referencë të veçantë për Kosovën dhe Metohinë dhe rreziqet që i kanosen popullit serb.
-Këto rreziqe vijnë para së gjithash nga Kurti, ideja kryesore e të cilit nuk është, ndoshta gojarisht është dialogu, por qëllimi kryesor i tij është dëbimi i serbëve nga Kosova dhe Metohia . Ata vetëm kanë analizuar situatën lidhur me migrimin ilegal pas vizitës së Komisionerit Evropian për Punë të Brendshme, si dhe të gjitha kërcënimet e tjera dhe situatën kur bëhet fjalë për rendin dhe paqen publike në Serbi – tha Daçiq.
Edhe pse i referohet një pretendimi se kryeministrit Albin Kurti synim ka dëbimin se serbëve nga Kosova, Daçiq nuk e argumenton atë me ndonjë fakt, që do të mund të ishte ndonjë dokument apo dëshmi e llojit tjetër.
Nga ajo që ka deklaruar Ministri i Jashtëtm i Serbisë, shihet që ekziston një narrativë e ndërtuar, por duke mos e argumentuar me ndonjë fakt.
Pretendimi se qëllimi kryesor i Prishtinës zyrtare është “dëbimi i serbëve nga vendbanimet e tyre në Kosovë” është pjesë e narracionit dezinformues, të cilën e sjellin zyrtarët shtetëror të Serbisë dhe mediat e afërta me pushtetin.
Këso lloj pretendimesh janë bërë në të kaluarën nga Zyra për Kosovën në Qeverinë e Serbisë dhe Komisioni për Kosovën në Kuvendin e Serbisë, dhe udhëheqësit e tyre, Petar Petkoviq përkatësisht Millovan Drecun.
Disa nga pretendimet serbe që nuk argumentohen me asnjë fakt, janë trajtuar nga stafi i hibrid.info. (shih këtu, këtu, këtu dhe këtu)
Analiza:
Ministri i Jashtëm të Serbisë, Ivica Daçiq, pretendon se qëllimi kryesor i Albin Kurtit është “dëbimi i serbëve nga Kosova”.
Daçiq pretendimin e bërë nuk e argumenton atë me ndonjë fakt, që do të mund të ishte ndonjë dokument apo dëshmi e llojit tjetër.
Bazuar në metodologjinë e punës, hibrid.info këtë pretendimn e vlerëson si “teori konspirative”.
Vlerësimi:
Vlerësim si “Teori konspirative” marrin ato raportime mediatike të cilat shpërndajnë një përshkrim të rremë ose të paverifikueshëm të një dukurie, ngjarje ose një personi, duke e paraqitur atë si pjesë ose rezultat të një plani të fshehtë (“komplot”). Karakteristikë e këtyre raportimeve është se ato paraqesin një seri pretendimesh, të paraqitura si fakte, midis të cilave vendosen marrëdhënie shkak-pasojë, pa ofruar ndonjë provë të besueshme.
