Portali “demokracia.com” me datë 29 maj ka publikuar një artikull me titull “Zbulohet kërkesa e BE-së për Kurtin: Mos e ço policinë në veriun e Kosovës”.
Ky portal ka pretenduar se posedon një dokument ku thuhet se Bashkimi Evropian këshillon Qeverinë e Kosovës kundër çdo veprimi “provokues”, siç e cilësojnë ata, në komunat veriore. “Demokracia.com” pretendon se në ky raport i përpiluar nga shefi i diplomacisë evropiane, Josep Borell, është dal pas darkës së liderëve të Ballkanit Perëndimor.
Megjithatë, pas publikimit të këtij raporti, ka reaguar BE-ja, ku zëdhënësi i saj, Peter Stano, ka demantuar një gjë të tillë duke thënë për portalin Klankosova.tv se një dokument i tillë nuk është shkruar nga ata.
“Zakonisht nuk i komentojmë raportet e mediave në lidhje me dokumentet e pretenduara të BE-së, në këtë rast të veçantë “dokumenti” është një falsifikim i plotë dhe diçka e tillë nuk u prodhua kurrë nga BE”, ka thënë Stano.
Pjesë nga teksti i artikullit të publikuar në portalin “demokracia.com”:
Sipas dokumentit të cilin e posedon Demokracia.com, BE-ja këshillon Qeverinë e Kosovës kundër çdo veprimi “provokues”, siç e cilësojnë ata, në komunat veriore.
“Përfaqësuesi i Lartë do t’i bëjë thirrje Qeverisë në Prishtinë kundër çdo veprimi provokues në komunat veriore. Konkretisht, z. Kurti do të këshillohet që të mos ndërmarrë ndonjë operacion policor që synon mbledhjen e faturave të energjisë elektrike në komunat veriore, që mund të provokojnë tensione të mëtejshme me popullsinë lokale”, thuhet në raportin e BE-së.
Vegëza e artikullit të publikuar në portalin “demokracia.com”:
Më poshtë mund të gjeni reagimin nga zëdhënësi i BE-së, Peter Stano për “klankosova.tv”:
Analiza:
Portali “demokracia.com” ka publikuar një raport ku pretendon se është i dalur nga BE-ja, pas darkës së liderëve të Ballkanit Perëndimor, ku thuhet se Bashkimi Evropian këshillon Qeverinë e Kosovës kundër çdo veprimi “provokues”, siç e cilësojnë ata, në komunat veriore.
Por, një gjë e tillë është hedhur poshtë nga zëdhënësi i BE-së, Peter Stano, i cili tha se ky dokument është një falsifikim i plotë dhe diçka e tillë nuk u prodhua kurrë nga BE.
Pas analizës së kontrollit të fakteve të kryer nga hibrid.info, artikulli i publikuar nga “demokracia.com” vlerësohet si “përmbajtje e pa verikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.