Portali i dyshimtë në gjuhën shqipe “madenews24.com”, ka publikuar një artikull me titull “Albin Kurti: I vetmi shtet besnik ndaj Kosovës është Turqia”.
Pas verifikimit të fakteve të kryer nga hibrid.info, është vërtetuar se titulli i këtij artikulli është i sajuar dhe nuk përputhet me përmbajtjen. Gjithashtu, lajmi është i vjetër i publikuar më 23 prill 2020, kur Kurti kishte uruar Turqinë për 100 vjetorin e sovranitetit dhe parlamentarizmit.
Kryeministri i Kosovës në asnjë rast nuk ka thënë se “I vetmi shtet besnik ndaj Kosovë është Turqia”, siç pretendohet rrejshëm në titullin e këtij artikulli.
Vegëza e artikullit të publikuar në “madenews24.com”:
Më poshtë mund të gjeni vegëzat e artikullit të publikuar në kohë reale nga disa portale kosovare:
“Kosova ka gjetur mbështetje dhe miqësi te Turqia, si vend i rëndësishëm i NATO-s, por edhe si vend mik i shqiptarëve. Po ashtu, Kosova është atdhe i një minoriteti turk, me kontribute të rëndësishme në vendin tone”, kishte shkruar ndër të tjerash Kurti.
Postimi i plotë i Kurtit në Facebook:
https://www.facebook.com/albini2017/posts/855831348250084
Analiza:
Portali i dyshimtë “madenews24.com” ka marrë një lajm të vjetër të cilit i ka vënë titull të rremë duke u munduar ta paraqesë atë si aktual.
Pas analizës së kontrollit të fakteve, hibrid.info këtë artikull e vlerëson si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.