Portali i dyshimtë me përmbajtje në gjuhën shqipe “cmd.trendliveg24.com”, ka publikuar një artikull me titull “Mblidhet Qeveria, pritet te ndahen mjete financiare për keto kategori”.
Hibrid.info ka verifikuar faktet në këtë artikull dhe ka vërtetuar se titulli është i sajuar, i cili nuk përputhet me përmbajtjen.
Në përmbajtje gjendet lajm i vjetër i muajit nëntor 2021, cili nuk ka të bëjë me asgjë me ndarjen e mjeteve financiare.
Pjesë nga artikulli i publikuar në portalin e dyshimtë “cmd.trendliveg24.com”:
Ndër pikat e rendit të ditës janë: shqyrtimi i propozim-vendimit për ndryshimin dhe plotësimin e Programit legjislativ të Qeverisë për vitin 2021, shqyrtimi i Projektligjit për markat tregtare, shqyrtimi i Projektligjit për turizmin, shqyrtimi i draftit të konceptit-dokumentit për mbrojtjen e konsumatorit, etj.
Vegëza e artikullit të publikuar në portalin e dyshimtë “cmd.trendliveg24.com”:
Ky artikull me titull të sajuar është shpërndarë edhe në Facebook nga faqja “33shi.com”, e cila numëron afër 50 mijë ndjekës. (shih këtu)
Hibrid.info ka hulumtuar përmes makinave online të kërkimit, ku si rezultat është gjetur ky artikull, i cili është publikuar në disa media online në Kosovë me datë 24 nëntor 2021. (shih këtu dhe këtu)
Analiza:
Portali i dyshimtë “cmd.trendliveg24.com” ka publikuar një artikull të vjetër të muajit nëntor 2021, të cilin është munduar ta paraqesë si aktual duke i vënë titull të rremë “Mblidhet Qeveria, pritet te ndahen mjete financiare për këto kategori”.
Pas analizës së kontrollit të fakteve, hibrid.info e vlerëson këtë artikull si “Clickbait”.
Arsyetimi:
“Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
