Disa media në gjuhën shqipe sot publikuan (18 gusht) një artikull me pretendimin se kryeministri i Kosovës, Albin Kurti është duke hyrë në ambientet e Prokurorisë Speciale, ku është ftuar të intervistohet për rastin e aferës së vajit edhe grurit.
Si ilustrim është përdor fotografia ku shihet Kurti me disa njerëz duke ecur në një hapësirë të caktuar.
Në momentin e publikimit të këtij pretendimi, doli që Kurti ishte duke marrë pjesë në organizimin e lansimit të masave për subvencionim të pajisjeve shtëpiake efiçiente për qytetarët të mbajtur në Kino Armata.
Disa portale i fshinë publikimet e tyre me pretendimin se Kurti është duke hyrë në Prokurorinë Speciale, por portale të tjera vazhdojnë t’i kenë në webfaqe dhe faqet e tyre në Facebook.
Vegëza dhe fotografi të publikimi të kësaj përmbajtjeje nga portalet në gjuhën shqipe:
https://gazetainfokus.com/lajmi- i-fundit-albin-kurti-hyn-ne- prokurorine-speciale/
Në disa portale informative u pretendua se Kurti është duke hyrë në Prokurorinë Speciale për intervistë për rastin e vajit dhe grurit.
Por në momentin e publikimit të këtij pretendimi në portalet informative, faqja e Qeverisë së Kosovës në Facebook (ora 10:28) filloi transmetimin e drejtpërdrejtë të hapjes së thirrjes për subvencionim të pajisjeve shtëpiake efiçiente për qytetarë ku i pranishëm ishte edhe kryeministri Kurti. (këtu)
Përkundër faktit se disa portale e fshinë publikimin me këtë pretendimi, pro në disa portale të tjera ky pretendim vazhdon të mbetet.
Analiza:
Disa portale informative pretenduan se është parë Kurti duke hyrë në Prokurorinë Special i cili ishte ftuar të intervistohej për rastin e vajit dhe grurit.
Por në momentin e publikimit të këtij pretendimi Kurti doli të jetë prezentë në organizimin e hapjes së thirrjes për subvencionim të pajisjeve shtëpiake efiçiente për qytetarë të mbajtur në Kino Armata.
Bazuar në metodologjinë e punës, hibrid.info këtë pretendim e vlerëson si “lajm i rremë”.
Vlerësimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.