Portali informativ “Gazetametro.net”, ka publikuar dje (3 prill) një artikull, ku është pretenduar të paraqitet se shefja e Grupit Parlamentar të Lëvizjes Vetëvendosje, Mimoza Kusari-Lila, ka bartur një maskë me vlerë 120 euro.
Këtë pretendim, autori i këtij që ka publikuar këtë lajm, e ka bazuar në bazë të dukjes së materialit, që është i ngjashëm me atë të kompanisë luksoze “Burberry”. Përveç ngjashmërisë, në këtë lajm nuk janë trajtuar fakte apo argumente tjera.
Artikulli i publikuar në Gazetametro.net:
T: Deputetja e ‘popullit të varfër’ mban maskën 120 euro
Shefja e Grupit Parlamentar të VV’së, Mimoza Kusari-Lila, mbrëmë dhe sonte ishte shumë aktive sa i përket rolit të saj që tashmë ka brenda Lëvizjes Vetëvendosje, por ajo çfarë ka rënë në sy gjatë konferencave për shtyp ishte maska që mbante e që çmimi i saj është goxha i lartë, shkruan Gazeta Metro. Mimoza Kusari-Lila, e cila mban postin e shefes së Grupit Parlamentar të VV’së, ka qenë mjaftë aktive këto ditë, ndërsa ajo çfarë ka rënë në sy është maska e brendit “Burberry” që mbante deputetja Kusari. Çmimi i maskës që mbante Kusari- Lila, është hiq më pak se 120 euro. Me një kërkim të thjeshtë në internet mund ta gjeni çmimin e kësaj maske, e cila mban firmën e brendit të njohur të “Burberry”, e siç mund ta shikoni në foto çmim i saj është jo më pak se 120 euro./gaazetametro.net
Vegëza e artikullit në Gazetametro.net:
Artikulli me të njëjtën përmbajtje, është publikuar edhe nga një numër i madh i portaleve:
Vegëzat e artikullit të publikuar nga disa portale:
https://shkruje.com/deputetja-e-popullit-te-varfer-mban-masken-120-euro/
https://mediafokus.info/shefja-e-deputeteve-te-vvse-mban-masken-120-euro/
I menjëhershëm ka qenë reagimi i deputetes Kusari-Lila, e cila e ka mohuar këtë pretendim të bërë në artikullin në fjalë.
Reagimi i Mimoza Kusari-Lilës në profilin e saj në Facebook:
https://www.facebook.com/151644000915/posts/10157518249130916/
Analiza:
Pretendimi i bërë në artikullin e “Gazetametro.net” është i pabazuar dhe i paargumentuar mirë. E vetmja përpjekje për ta faktuar këtë pretendim është ngjashmëria e materialit të maskës së deputetës Kusari-Lila me atë që përdor dhe edhe kompania “Burberry”. Në bazë të kontrollit të fakteve, ky material me katrorë që quhet “Tartan” (shiko këtu), përdorën nga shumë prodhues, gjë që e bënë si argument ta paqëndrueshëm për pretendimin e bërë.
Duke pasur parasysh faktet e paraqitura nga autori, hibrid.info e quan këtë lajm si “lajm i rremë” si dhe “Transmetim i lajmeve të rreme”, marr parasysh numrin e madh të ri-publikimit të tij nga portale të tjera.
Vlerësimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Vlerësim “Transmetim i lajmeve të rreme” u jepet raporteve të mediave në të cilat transmetohet përmbajtja origjinale e një mediumi tjetër, i cili përmban një lajm të rremë. Vlerësimi jepet vetëm për transmetimin e përmbajtjes që kategorizohet si lajm i rremë.
