Artikulli me titull “Hashim Thaçi javën e ardhshme kthehet në Kosovë me këtë kusht” është publikuar dje (25 maj) nga portali i dyshimtë “specialja.com”.
Pas verifikimit të fakteve, hibrid.info ka vërtetuar se ky artikull është i vjetër, i cili u publikua më 11 nëntor të vitit 2020, nga portali në gjuhën shqipe në Maqedoninë e Veriut – “lajmpress.org”.
E thirrur në burimet e saja, mediumi online “lajmpress.org” kishte pretenduar se
“Thaçi do të kthehet në Kosovë brenda 10 ditëve ose dy javëve. Ndoshta deri në fund të javës së ardhshme ai do të kthehet në shtëpinë e tij, ku do të qëndrojë në arrest shtëpiak, kurse në Hagë do të udhëtojë varësisht prej zhvillimit seancave gjyqësore”, kanë thënë këto burime, duke insistuar të mbeten anonime”.
Megjithatë, ky lajm, me kalimin e kohë u vërtetua se ishte i pavërtetë. Të njëjtin e ka publikuar portali i dyshimtë “specialja.com” duke u munduar ta paraqesë si aktual.
Teksti i artikullit të publikuar në “specialja.com”:
Burime të afërta me Partinë Demokratike të Kosovës (PDK) njoftojnë për gazetën Lajm nga Shkupi se ish presidenti i Kosovës, Hashim Thaçi, së shpejti do të kthehet në Kosovë. Sipas tyre, kthimi nuk do të thotë përfundim të pro cesit gjy qësor ndaj tij para Gjykatës Speciale në Hagë.
Thaçi do të kthehet në Kosovë brenda 10 ditëve ose dy javëve. / Pak sekonda pasi ta hapësh marketingun shih PAMJET
Vegëza e artikullit të publikuar në “specialja.com”:
Më poshtë mund të gjeni vegëzen e artikullit autentik të publikuar në nëntor të vitit 2020 nga portali “lajmpress.org”:
Analiza:
Portali i dyshimtë “specialja.com” ka publikuar një artikull të vjetër me pretendimin ta paraqesë atë si aktual.
I njëjti artikull është publikuar në nëntor të vitit të kaluar nga portali “lajmpress.org”, i cili është thirrur në burimet e tij. Por, pavarësisht kësaj ky lajm doli të jetë i pavërtetë pasi ish-presidenti Thaçi nuk u lirua në arrest shtëpiak. Hibrid.info e vlerëson këtë artikull si “dezinformatë”.
Arsyetimi: Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.