Portali “veriu.info” ka publikuar një artikull me titull “Valë e re me COVID-19, rikthehen masat kufizuese”.
Pas verifikimit të fakteve nga hibrid.info, në përmbajtje bëhet e ditur se disa shtete evropiane janë duke u përballur me një rritje të të infektuarve me COVID-19, çka po i detyron autoritet t’i rikthejnë masat kufizuese.
Duke ditur se portali “veriu.info” shumicën dërmuese të lexuesve i ka nga Kosova, artikulli me titull përgjithësues e jo sqarues, mund t’i dezinformojë lexuesit, duke lënë të kuptohet se autoritetet kosovare janë ato që po detyrohen të ndërmarrin masa, si pasojë e valës së re të Covid-19.
Pjesë nga teksti i artikullit të publikuar në “veriu.info”:
Shtetet evropiane janë duke u përballur me një rritje të të infektuarve me COVID-19, çka po detyron autoritet të rikthejnë masat kufizuese.
Frika shtohet edhe nga sezoni i festave.
Rreth 60% e njerëzve në Evropën Perëndimore janë plotësisht të imunizuar kundër COVID-19, ndërsa niveli i ulët i vaksinimit mbizotëron në Evropën Lindore.
Vegëza e artikullit të publikuar në “veriu.info”:
Analiza:
Portali “veriu.info” ka publikuar artikullin që ka të bëjë me rikthimin e masave kufiuese anti-covid ne disa shtete evropiane, por në titull nuk qartësohet se për cilat shtete bëhet fjalë dhe kjo mund të dezinformojë lexuesit, duke lënë të kuptohet se lajmi ka të bëjë me Kosovën.
Nga analiza e kontrollit të fakteve e kryer nga hibrid.info, ky artikull merr vlerësimin si “clickbait”.
Arsyetimi:
Vlerësimin “Clickbait” e marrin ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.