Artikulli me titull “Këto janë shtetet ku kosovarët mund të udhëtojnë pa viza”, është publikuar nga portali “Periskopi.com”.
Titulli i këtij artikulli flet për shtetet që qytetarët e Kosovës mund të udhëtojnë në to pa pasur nevojë për vizë, por në tekst gjendet një artikull komplet ndryshe ku ka të bëjë me Presidentit e Serbisë, Aleksandar Vuçiq, i cili ka folur për dialogun dhe qëndrimin e Prishtinës dhe paralajmërimet se Brukseli dhe Uashingtoni së bashku po përgatisin presione të reja ndaj Serbisë në lidhje me njohjen e Kosovës.
Foto nga artikulli i publikuar në “Periskopi.com”:
Vegëza e artikullit të publikuar në “Periskopi.com”:
Analizë:
Pas verifikimit nga hibrid.info, del se titulli i artikullit në Periskopi.com trajton një temë krejtësisht tjetër, krahasuar me përmbajtjen. Ky duket të jetë vetëm një gabim teknik nga ana e këtij portalit, i cili nuk ofron në shkrim atë që premtohet në titull.
Këtë artikull hibrid.info e vlerëson si “Gabim”, me qenë se titulli dhe përmbajtja e tekstit nuk përputhen.
Arsyetimi:
Gabim – Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.
