Një artikull me titull tendencioz “Tronditet Prishtina, sapo ndodhi tragjedia, detaje nga ngjarja e rëndë”, është publikuar nga portali i dyshimtë “postlajme.net”.
Pas kontrollit të fakteve të kryer nga hibrid.info, rezulton që ky artikull përmban titull tendencioz, pasi lajmi ka të bëjë me një aksident mes dy veturave, i cili kishte ndodhur dje (4 gusht) në lagjen “Pejton” të Prishtinës.
Pra nuk ka ndodhur asnjë tragjedi që ka tronditur së fundi qytetin e Prishtinës, siç pretendohet në titullin e artikullit të publikuar në portalin e dyshimtë “postlajme.net”.
Teksti i artikullit të publikuar në “postlajme.net”:
Një aks ident mes dy veturave ka ndodhur pak më parë në lagjen “Pejton” të Prishtinës. Në vendin e ngjarjes ka mbërritur policia dhe autoambulanca, teksa nuk dihet numri i të lënduarve.
Fotografi nga vendi i ngjarjes ka dërguar një lexues i Gazetës Express.
Akoma nuk dihen shkaqet e aks identit.
Policia e Kosovës vazhdimisht u bën apel të gjithë pjesmarrësve në trafik për kujdes në komunikacion.
Vegëza e artikullit të publikuar në “postlajme.net”:
I njëjti artikull me titull tendencioz është publikuar edhe në Facebook nga faqja “33shi.com”, e cila numëron mbi 45 mijë ndjekës.
https://www.facebook.com/33shi/posts/684291602505228
Ky artikull është marrë nga portali “gazetaexpress.com”, e cila edhe citohet nga portali i dyshimtë “postlajme.net”.
Më poshtë mund të gjeni artikullin autentik të publikuar në “gazetaexpress.com”:
Analiza:
Portali i dyshimtë “postlajme.net” ka publikuar një artikull lidhur me një aksident mes dy veturave të ndodhur në Prishtinë, të cilit i ka vënë qëllimshëm titull tendencioz – “Tronditet Prishtina, sapo ndodhi tragjedia, detaje nga ngjarja e rëndë”. Ky lajm rezulton të jetë i vjetër dhe jo aq “tronditës” siç pretendohet të paraqitet. Gjithashtu ky lajm pretendohet të paraqitet si aktual nga ky portal i dyshimtë.
Pas analizës së kontrollit të fakteve të kryer nga hibrid.info, ky artikull merr vlerësimin si “clickbait”.
Arsyetimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.