Shumë organizata mediatike, kanë ndërtuar shërbime për kontroll të fakteve (fact-checking) për t’i ndihmuar audiencës që të kenë sensin e detektimit të lajmeve të rreme apo dezinoframtës.
Sigurisht që kjo bëhet në mënyrë manual dhe kërkon angazhim të njerëzve/ekspertëve të cilët, për orë të tëra, bëjnë kërkime dhe hulumtime për të konfirmuar dyshimet e tyre.
Por një kompani, e cila ka monitoruar debatet e fundit zgjedhore në SHBA, ka përdorur një algoritëm të inteligjencës artificiale për të parë nëse mund të ndihmojë në përshpejtimin e kohës që duhet për të verifikuar një pretendim.
Në një artikull të publikuar në BBC jepen detaje se kjo kompani është ballafaquar me sfidat e kontrollit të fakteve gjatë zgjedhjeve presidentciale në SHBA. Kontrollin kryesor të fakteve kjo kompani e ka bërë gjatë debateve në mes dy kandidatëve për president, Donald Trump dhe Joe Biden. Kontrolli i fakteve është bërë duke krahasuar pohimet e dy kandidatëve për president, me faktet e publikuara më parë.
Mirëpo, siç thuhet në këtë kronikë të BBC-së, përkundër përkrahjes që vjen nga Inteligjenca Artificiale, verifikimi është dashur të bëhet edhe nga ekspertë të fushës së kontrollit të fakteve.
Kroniken e plotë të BBC-së në gjuhën angleze, mund ta ndiqni në videon që ndodhet në vegëzen pasuese:
https://www.bbc.com/news/av/technology-54658206
