Videot që shfaqin persona që ngjisin magnet aty ku pretendojnë se kanë marr vaksinën kundër-Covid, kanë arritur të grumbullojnë miliona shikime në platformat e mediave sociale si TikTok dhe Instagram. Postimi i këtyre videove është bërë virale, pas inicimit të sfidës të quajtur “sfida e magnetit” (#magnetchallenge).
Ka të atillë që thonë se duhet të ketë diçka magnetike në vaksina. Por, pretendimet në këtë drejtim shkojnë edhe më tej në imagjinatë duke thënë se, kjo dëshmon që ngjitja e magnetit është dëshmi që vaksinat përmbajnë mikroçipa – teori kjo që nuk është e vërtetë.
Jack Goodman i “BBC Reality Check” zbërthen të ashtuquajturën # magnetchallenge.
Në këto video shihen persona që vendosin magnet në pjesën ku janë injektuar me vaksina, për të pretenduar se në përmbajtjen e saj ka prezencë të metalit, pra aludimin se ka mikroçipa.
Mirëpo, në hulumtimin e BBC-së, shihet qartë se ky pretendim është i rremë.
Shkencëtarë të fushës së magnetikes nga Britania e Madhe, thonë se disa nga vaksinat kanë aluminium, por prezenca e kësaj substance është shumë e vogël dhe se magneti nuk ngjet fare në alumin.
Ata thonë se nuk ka asnjë arsyetim shkencor ky pretendim i bërë në videot e shpërndara. Ata arsyetojnë se objekte magnetike por edhe metale të ndryshme mund të qëndrojnë në trup, falë sipërfaqes yndyrore dhe elektricitetit në lëkurë.
“Kemi parë shumë fëmijë dhe të tjerë që vendosin monedha metali në trup. Ato mund të qëndrojnë për shkak se lëkura ka sipërfaqe të lëkurës edhe elektricitetit”.
(Video e plotë e publikuar nga BBC)
