Faqja në Facebook “Të Gjithë me Luiz Ejlli” me datë 12 mars ka publikuar një postim ku pretendon se produksioni i spektaklit televiziv (Big Brother Vip Albania) ka hapur një votim duke pretenduar se “nëse kjo fotografi arrin deri 2 mijë komente, atëherë banori (Luiz Ejlli) do të shpallet banori i preferuar i publikut”.
Pas verifikimit të fakteve të kryer nga hibrid.info, nuk është gjetur asnjë mundësi votimi përmes komenteve në Facebook, i hapur nga spektakli televiziv (BBVA) për përzgjedhjen e banorit të preferuar nga publiku, siç pretendohet nga faqja e lartcekur.
Në faqen zyrtare në median sociale në Instagram, BBVA për herë të fundit në këtë edicion, më 28 shkurt kishte hapur një votim të tillë për përzgjedhjen e banorit të preferuar, e që mundësia e vetme për të votuar ishte përmes numrave të telefonit.
Vegëza e postimit në Facebook nga faqja “Të Gjithë me Luiz Ejlli”:
Në këtë postim, kjo faqe ka arritur të grumbullojë qindra komente e reagime nga lexuesit. (shih fotografinë më poshtë)
Pas hulumtimit të kryer përmes makinave online të kërimit, hibrid.info ka gjetur votimin e hapur nga BBVA më 28 shkurt për të preferuarin e publikut, në të cilin shkruan “Votoni duke dërguar me mesazh emrin e banorit ne numrin 56666 nëse ndodhesh në Shqipëri ose në numrin 55099 nëse ndodhesh në Kosovë”. (shih këtu)
Analiza:
Nga verifikimi i fakteve, hibrid.info ka vërtetuar se faqja “Të Gjithë me Luiz Ejlli” në Facebook ka publikuar një status duke bërë thirrje te lexuesit për të komentuar, duke ngritur pretendimin e rremë se BBVA ka hapur një votim se “nëse kjo fotografi arrin deri 2 mijë komente, atëherë banori (Luiz Ejlli) do të shpallet banori i preferuar i publikut”.
Se ky pretendim është i rremë, u vërtetua pas hulumtimit të kryer përmes makinave online të kërkimit. Në faqen zyrtare të BBVA në Instagram bëhet e qartë se e vetmja mënyrë për të votuar “të preferuarin e publikut” është përmes numrave të telefonit.
Bazuar në metodologjinë e punës, hibrid.info e vlerëson këtë postim si “Dezinformatë”.
