Portali “arbresh.info” ka publikuar një artikull me titull “E qara mund t’ju ndihmojë të zgjidhni 5 probleme shëndetësore”.
Në këtë artikull përmenden 5 përfitime shëndetësore, të cilat pretendohet se krijohen nga të qarit. Megjithatë, këtij artikulli i mungon burimi i informacionit, si dhe përmenden vetëm disa studiues, por jo edhe emri i tyre.
Në këtë shkrim nuk specifikohet se nga është marrë ky studim apo hulumtim, që tregon se këto fakte janë të vërteta.
Përfitimet shëndetësore nga të qarit që përmenden në këtë artikull janë:
1. Heq stresin
2. Rregullon presionin e gjakut
3. Eliminon akumulimin e toksinave
4. Luhatje humori
5. Lehtësojnë dhimbjen
Vegëza e artikullit të publikuar në “Arbresh.info”:
Analiza:
Ky artikull nuk përmban burim të informacionit, që tregon saktë se nga është marrë ky studim. Shkrime të tilla nuk mund të quhen të pavërteta, por përderisa u mungon burimi, atëherë kategorizohen si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.