Portali i dyshimtë “postlajme.net” ka publikuar një artikull me titull “E PABESUESHME kjo që po ndodh!! Hashim Thaçit po i konfiskohet e gjithë pasuria??!!”.
Pas kontrollimit të fakteve nga hibrid.info, është konstatuar se ky artikull është i vjetër dhe përmban titull të rremë, i cili nuk i përgjigjet përmbajtjes në tekst.
Artikulli është marrë nga portali “gazetainfokus.com”, i publikuar më 14 prill, ndër të tjerash shkruan se “Dy shtëpitë e ish-Presidentit të Kosovës, Hashim Thaçi, vetura e toka që kishte deklaruar në Agjencinë Kundër Korrupsionit mund të hetohen me nismën e Qeverisë së udhëhequr nga Albin Kurti, për luftën kundër korrupsionit dhe konfiskimin e pasurisë së pajustifikueshme”.
Pra, nuk është konfiskuar e gjithë pasuria e ish-presidentit të Kosovës, Hashim Thaçit, siç pretendohet rrejshëm në titullin e artikullit të publikuar në “postlajme.net”.
Pjesë nga artikulli i publikuar në “postlajme.net”:
Dy shtepite e ish Presi.de.ntit te Kosoves, Hashim Thaçi, vet.ura e toka qe kishte dekIa.ruar ne Agjen.cine Ku.nder Ko.rrup si.onit mund te het.ohen me nism.en e Qeverise se udhe he.qur nga AIbin Kurti, per Iu.ften kun.der kor.rups.ionit dhe konfis.kimin e pa.su.rise se pa ju.sti.fikueshme.
Thaçi ne Agjen.cine Ku.nder Korr.upsi.onit, Pres.iden.ti i Kosoves, me 19 qer.shor te vitit 2020 ka de.kIaruar dy shtepi, njera trashe.gimi dhe pro.ne e perbashket famiI.jare ne vIere 80 mije euro dhe shtepia tje.ter ne vIere 350 mije eu.ro, te ciIen ende nuk e ka pa.guar te gjithen.
Vegëza e artikullit të publikuar në “postlajme.net”:
I njëjti artikull është shpërndarë edhe në Facebook nga faqja “33shi.com”, e cila numëron afër 50 mijë ndjekës.
Postimi i artikullit në Facebook nga faqja “33shi.com”:
https://www.facebook.com/33shi/posts/668940174040371
Më poshtë mund të gjeni artikullin autentik të publikuar në kohë reale (14 prill 2021) nga portali “gazetainfokus.com”.
https://gazetainfokus.com/a-do-te-konfiskohet-pasuria-e-hashim-thaci/
Analiza:
Portali i dyshimtë “postlajme.net” ka përdorur një lajm të vjetër të cilin e ka publikuar me pretendimin ta paraqesë atë si aktual, duke i vendosur titull të rremë.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
