Faqja në Facebook me emrin “Express Gazeta” dje me datë 24 nëntor ka publikuar një artikull me titull “Tër’met i fuqishëm në Shqipëri / Lë kundjet janë ndjerë edhe në Kosovë”.
Hibrid.info ka verifikuar faktet në këtë artikull, nga ku është vërtetuar se lajmi është i vjetër i cili është publikuar me datë 15 shtator të këtij viti, kur Shqipërinë e goditi një tërmet me 4.7 ballë.
Kjo faqe në Facebook është munduar që këtë artikull të publikuar nga portali i dyshimtë “worldnews83.com” ta paraqesë si aktual (24 nëntor).
Vegëza e artikullit të publikuar në faqen Express Gazeta në Facebook:
https://www.facebook.com/expresssgazeta/posts/278672457530492
Vegëzat e artikullit të publikuar në disa media online:
Analiza:
Faqja “Express Gazeta” në Facebook e cila numëron afër 70 mijë ndjekës, duket se qëllimisht e ka postuar këtë artikull të vjetër me pretendimin ta paraqesë atë si aktual.
Kjo shumë lehtë mund t’i keqinformojë lexuesit e kësaj faqe, duke lënë të kuptohet se tërmeti në Shqipëri ka ndodhur tani.
Pas analizës së kontrollit të fakteve të kryer nga hibrid.info, ky artikull merr vlerësimin ti “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.