Portali i dyshimtë “readkoala.com” ka publikuar një artikull me pretendimin se “stuhia që po bën namin në Evropë pritet të vijë edhe në Kosovë”.
Pas kontrollit të fakteve të kryer nga hibrid.info, del që ky portal i dyshimtë në këtë artikull ka vënë titull tendencioz dhe jo të saktë, pasi i njëjti nuk i përgjigjet përmbajtjes në tekst.
Në këtë artikull gjendet deklarata e meteorologes shqiptare nga “MeteoAlb”, Ladja Porja, e cila tha se “duke parë stuhinë me origjinë në ishujt Britanik, që ka përfshirë Europën Qendrore, kjo stuhi e quajtur në shkallën e uraganeve, po sjell përkeqësim të motit. Pritet që stuhia të zhvendoset drejt alpeve, dhe tek ne vjen e dobësuar”.
Pra, Porja nuk përmendi asnjëherë Kosovën, si dhe u shpreh se ndikimi që do të sjellë kjo stuhi për motin e vendit tonë do të jetë i vogël.
Vegëza e artikullit të publikuar në “readkoala.com”:
Më poshtë mund të gjeni artikullin autentik të publikuar në portalin shqiptar “balkanweb.com”:
Artikulli i publikuar në portalin e dyshimtë “readkoala.com” është postuar edhe në rrjetin social Facebook nga faqja “Në Kohë”, e cila numëron mbi 400 mijë ndjekës.
Ky artikull me këtë titull tendencioz mund të dezinformojë lexuesit dhe të përhap panik te ta, se duke i bërë të besojnë se stuhia me intensitet të njëjtë do ta godasë edhe Kosovën.
Postimi i artikullit në faqen “Në Kohë” në Facebook:
https://www.facebook.com/nekohe/posts/176025311225370
Analiza:
Portali i dyshimtë “readkoala.com” ka publikuar një artikull që flet për stuhinë e fortë që preku Evropën, ku meteorologia nga Shqipëria, Ladja Porja tha se në territorin shqiptar do të vjen e dobësuar.
Megjithatë, ky portal i dyshimtë i ka ndërruar titullin këtij artikulli, duke pretenduar rrejshëm se Porja ka thënë stuhia e fortë do të arrijë edhe në Kosovë.
Pas analizës së kontrollit të fakteve bazuar në metodologjinë e punës, hibrid.info e vlerëson këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
