Disa media online në Kosovë dhe Shqipëri kanë publikuar artikuj me pretendimin se konsullata greke në Mariupol të Ukrainës është sulmuar dhe si pasojë e saj janë shënuar 12 viktima.
Hibrid.info ka verifikuar faktet e paraqitura në këta artikuj dhe është vërtetuar se titulli nuk përputhet me përmbajtën.
Në përmbajtje bëhet e ditur se sulmi ka ndodhur jashtë konsullatës greke në Mariupol dhe se të vdekurit nuk janë zyrtarë të konsullatës greke, siç lë të kuptohet në titujt e këtyre artikujve të publikuar në disa nga këto media online në gjuhën shqipe.
Lajmi për sulmin e konsullatës greke në Mariupol dhe vdekjes së 12 personave u publikua nga mediat online si “Kosovapost.net”, Inlajmi.com” dhe “Panorama.com.al”. (shih këtu, këtu dhe këtu)
Mirë, duke iu referuar zyrtarëve nga Ministria e Jashtme e Greqisë, bazuar në komunikimin e tyre me përfaqësues të kësaj konsullate, media greke kanë raportuar se (këtu dhe këtu) sulmi nuk ka ndodhur ndaj objektit të konsultates, por pranë objektit të misionit të OSBE-së, ku janë zhvendosur edhe personeli i konsullatës greke.
Analiza:
Mediat online në gjuhën shqipe kanë publikuar artikuj përmes së cilëve pretendohet se është sulmuar objekti i konsullatës greke në qytetin Mariupol në Ukrainë. Ky pretendim rezulton të jetë i pavërtetë, pasi që nga faktet e kontrolluara rezulton që objekti i këtij misioni diplomatik nuk është sulmuar. Në fakt, sipas raporteve janë regjistruar të shtëna me armë zjarri në afërsi të objektit ku gjendet misioni i OSBE-së në këtë qytet. Objekt ky është janë zhvendosur edhe stafi i konsullatës grek.
Hibrid.info i vlerëson këta artikuj si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.