Mediumi online në gjuhën serbe “Kosovo-online.com” ka publikuar një artikull me pretendimin se Policia e Kosovës së bashku me zjarrfikësit, kanë hequr një flamur serb nga shtylla e transmetuesit të operatorit serb të telefonisë “MTS”.
Në artikull shkruan se video është dërguar në redaksinë e “Kosovë-online.com”, që do të thotë se kjo video nuk është bërë nga ndonjë reporter i këtij mediumi.
Redaksia nuk e ka konfirmuar pretendimin se Policia e Kosovës dhe zjarrfikësit e kanë hequr këtë flamur, pasi edhe në video nuk shihet një gjë e tillë dhe nuk duket qartë se kush është duke e larguar atë.
Pjesë nga teksti i artikullit i përkthyer në gjuhën shqipe:
Pjesëtarë të njësitit të Zjarrfiksëve, në bashkëpunim me Policinë e Kosovës, sot në mëngjes rreth orës 9, kanë larguar flamurin serb nga transmetuesi i MTS-së në Vërboc të Vitisë.
Në një video e cila ka ardhur në redaksinë e “Kosovo-online.com”, shihet një pjesëtar i zjarrfikësve i hipur në shtyllën e transmetuesit, nga ku e ka hequr flamurin serb dhe e ka hedhur atë nga transmetuesi.
Vegëza e artikullit të publikuar nga portali në gjuhën serbe “Kosovo-online.com”:
Video e publikuar në kanalin zyrtar të “Kosovo-online.com” në Youtube:
Analiza:
Pretendimi i mediumit në gjuhën serbe “Kosovo-online.com” se Policia e Kosovës dhe zjarrfikësit e kanë hequr flamurin serb nga shtylla e transmetuesit, nuk konfirmohet në përmbajtje të tekstit, si dhe në video nuk shihet qartë se kush është ai person që e largon këtë.
Shtuar këtu se video e publikuar nga “Kosovo-online.com” nuk është bërë nga gazetar i tyre, por ajo është pranuar nga një person jashta redaksisë së këtij mediumi.
Pas analizës së kontrollit të fakteve bazuar në metodologjinë e punës, hibrid.info e ka vlerësuar këtë artikull si “përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
