Rënia pa ndjenja në fushë e futbollistit danez, Christian Eriksen, nuk ndërlidhet me vaksinën anti COVID-19, siç spekulohet në rrjete sociale. Drejtori i ekipit të futbollit “Inter Milan” u ka thënë reporterëve se mesfushori Eriksen nuk është vaksinuar fare.  

Eriksen, 29 vjeç, u rrëzua gjatë ndeshjes Danimarkë-Finlandë, më 12 qershor, në kuadër të kampionatit evropian “Euro 2020”. Ai iu dha një trajtim kardiak në fushë dhe më vonë u dërgua me urgjencë në spital.

Kjo ngjarje nxiti spekulime të shpërndara gjithandej në mediat sociale, me pretendimin se incidenti ishte një reagim i mundshëm, i shkaktuar nga vaksina COVID-19. Një pretendim në Twitter (që më vonë u fshi) sugjeroi që lojtari ishte vaksinuar më 31 maj, duke ia atribuar informacionin Radio Sportiva.

“Shefi i ekipit mjekësor dhe kardiologu i Inter Milan konfirmoi se [Eriksen] mori vaksinën Pfizer 12 ditë më parë. Ai foli një orë më parë në Radio Sportiva nga Italia”, thuhej një cicërimë në Twitter, që është shpërndarë si një pamje e ekranit në Instagram dhe Facebook.

https://www.instagram.com/p/CQDWU4DN513/

https://www.facebook.com/groups/137204671811144/permalink/138685944996350/

Por, ky pretendim nuk është i vërtetë. Drejtori i Inter Milan, Giuseppe Marotta, hodhi poshtë atë, duke i thënë Rai Sport se “Ai (Eriksen) nuk kishte COVID dhe se nuk ishte vaksinuar”.

https://www.reuters.com/lifestyle/sports/eriksens-former-cardiologist-says-he-had-no-history-heart-concerns-2021-06-13/

Ndërkohë, Radio Sportiva gjithashtu mohoi të ketë bërë ndonjë raport të tillë në lidhje me gjendjen e Eriksen. Në një postim në Twitter, përfaqësues të kësaj radioje thanë: “Informacioni i raportuar në cicërimën e përmendur është i rremë. Ne kurrë nuk kemi raportuar ndonjë mendim nga stafi mjekësor i Interit në lidhje me gjendjen e Christian Eriksen. Ju lutemi hiqni përmbajtjen nga autori i cicërimave, përndryshe ne do të detyrohemi të marrim masa”.

Le informazioni riportate nel tweet citato sono false. Non abbiamo mai riportato alcun parere dello staff medico dell'Inter riguardo le condizioni di Christian Eriksen. Si prega l'autore del tweet di rimuovere il contenuto, altrimenti saremo costretti a prendere provvedimenti. RS https://t.co/annEH7akQb

— Radio Sportiva (@RadioSportiva) June 13, 2021

Ende nuk është e qartë se çfarë e shkaktojë sulmin e Eriksen. Por dihet se testet mjekësore janë ende duke vazhduar. Futbollisti 29 vjeçar, ka njoftuar se është në gjendje stabile dhe se e ka kaluar krizën, por që ende është duke qëndruar në spital.  

(Artikull i publikuar nga Reuters)

Share With Others