Portali i dyshimtë “revista.trendliveg24.com” ka publikuar një artikull me titull të rremë “Halil Kastrati po jep 149 shtepi.. APLIKO ketu e merr shtepine tende”.
Pas verifikimit të fakteve të kryer nga hibrid.info, del që titulli i këtij artikulli është i rremë, pasi nuk i përgjigjet përmbajtjes.
Në këtë lajm gjendet vetëm një pjesë nga postimi i humanistit nga shoqata bamirëse “Jetimat e Ballkanit”, Halil Kastrati, i cili më 12 nëntor kishte njoftuar se shoqata që ai drejton do të dhurojë 149 shtëpi.
Por, në artikullin e publikuar në revista.trendliveg24.com, pretendohet rrejshëm se në artikull gjendet mundësia e aplikimit për t’u pajisur me shtëpi nga kjo shoqatë.
Vegëza e artikullit të publikuar në “revista.trendliveg24.com”:
I njëjti artikull me titull mashtrues është shpërndarë edhe në Facebook nga faqja “Info Sot”, e cila ka afër 30 mijë ndjekës.
Vegëza e artikullit të publikuar në Facebook nga faqja “Info Sot”:
https://www.facebook.com/permalink.php?story_fbid=421230366404454&id=117218466805647
Pas kërkimit në rrjetin social Facebook, hibrid.info ka gjetur njoftimin e Halil Kastratit, i cili në profilin e tij zyrtar kishte bërë të ditur se shoqata që ai drejton do të dhurojë 149 shtëpi.
Më poshtë mund të gjeni njoftimin e Halil Kastratit në profilin e tij zyrtar në Facebook:
https://www.facebook.com/halil.kastrati/posts/7163693700322654
Analiza:
Portali i dyshimtë “revista.trendliveg24.com” ka publikuar njoftimin e Halil Kastratit për dhurimin e 149 shtëpive, por në titull ka pretenduar rrejshëm se brenda artikullit është mundësia që të aplikohet për marrjen e një shtëpie.
Me këtë veprim, ka tendencë që të mashtrohen lexuesit duke bërë që ata të klikojnë në artikull.
Pas analizës së kontrollit të fakteve, hibrid.info e ka vlerësuar këtë artikull si “mashtrim”.
