Portali i dyshimtë me përmbajtje në gjuhën shqipe “news426media.com” ka publikuar artikullin lidhur me shkarkimin e drejtorit të inteligjencës ushtarake franceze, gjeneralit Eric Vidaud, si pasojë e mospërfilljes së pushtimit rus në Ukrainë.
Por, këtij artikulli i është vënë titull i rremë me pretendimin se është shkarkuar gjenerali rus. Kjo u vërtetua pas verifikimit të fakteve të kryer nga hibrid.info.
Pjesë nga artikulli i publikuar në portalin e dyshimtë “news426media.com”:
Shefi i inteligjencës ruse pushohet nga puna pasi nuk parashikoi…
Drejtori i inteligjencës ushtarake franceze, gjenerali Eric Vidaud, do të shkarkohet nga posti i tij.
Kjo si pasojë e mospërfilljes së mundësisë së pushtimit të Rusisë në Ukrainë, raporton BBC, përcjell “Bota sot”.
Duke cituar një burim të brendshëm në Ministrinë e Forcave të Armatosura, media lokale l’Opinion tha se gjenerali Vidaud u shkarkua për shkak të “informacioneve të pamjaftueshme” dhe “mungesës së zotërimit të temave”.
Vegëza e artikullit të publikuar në portalin e dyshimtë “news426media.com”:
Artikulli me titull të rremë është shpërndarë edhe në Facebook nga faqja “KOHA E RE”. (shih këtu)
Hibrid.info ka gjetur artikullin e publikuar në portalin “Botasot.info”, të cilin e ka cituar portali i dyshimtë “news426media.com”. (shih këtu)
Vegëzën e artikullit autentik të publikuar dje (31 mars) në mediumin britanik BBC mund ta gjeni këtu.
Analiza:
Portali i dyshimtë “news426media.com” ka publikuar artikull lidhur me shkarkimin e drejtorit të inteligjencës ushtarake franceze, gjeneralit Eric Vidaud. Por, këtij artikulli i ka vënë titull të rremë me pretendimin se bëhet fjalë për gjeneral rus.
Nga analiza e kontrollit të fakteve, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
