Portali i dyshimtë me emrin “promakale.com” ka publikuar dje (31 gusht) një artikull me titull “Një krijesë e frikshme shfaqet në Berat, tmerrohen banorët (Foto)”.
Hibrid.info ka verifikuar faktet dhe ka gjetur se artikulli i publikuar, është lajm i vjetër.
Pra, portali në fjalë është munduar ta paraqesë si aktual, lajmin e publikuar për herë të pare, para shtatë vitesh (2016).
Vegëza e artikullit të publikuar nga portali “promakale.com”:
I njëjti artikull është publikuar edhe në Facebook nga faqja “Post Lajme” me datë 31 gusht. (shih këtu)
Hibrid.info ka gjetur se artikulli i publikuar dje nga “promakale.com” daton që nga viti 2016, më 16 maj, kur ishte publikuar për herë të parë. (shih këtu dhe këtu)
Analiza:
Një portal i dyshimtë ka publikuar një lajm të vjetër për një krijesë të shfaqur në Berat. Portali në fjalë lajmin e publikuar para shtatë vitesh, është munduar ta paraqesë si aktual.
Andaj edhe bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
